اطمئن قلبي بوجودك معه (جريدة شغف)
اطمئن قلبي بوجودك معه
_جهاد أنا بحبكك
=وقلبي رافض الحب يامحمود خلي قلبك يبقى ملك غيري بدل ماتتعبه
_أنتِ ليه مش حاسة بحبي بعد ده كله!
=عشان مش عايزاه
_بس أنا عايزك
=وأنا مش عايزاك يابن خالي والحب مش بالغصب أنا مش حباك ولا ناوية أحبك خلي قلبك مِلك غيري بدل ماتتوجع في الآخر
_تمام ياجهاد عن اذنك واسف إني ازعجتك
"أنا جهاد في تالتة جامعة أي بنت في سني بتعيش حياتها تحب وتتحب إلا انا قلبي رافض الحب، مش عارفة السبب رافض قرب اي حد منه سواء قريب او غريب كتير قالوا عليا معقدة وده حقهم، اصل ازاي أبقى عاقلة وعمالة ارفض في ابن خالي محمود اللي بنات كتير هتتجن عليه وهو عاشقني، بس في كل مرة قلبي يستسلم يبرجع في قراره تاني أنا نفسي أعرف سبب رفض قلبي للحب وسبب حب محمود ليا من طفولته ومش ناووي يزهق ويبعد عني"
_رفضتي ابن خالك تاني
=اه ياماما
_أنتِ ليه كده! ليه مش حاسة بوجعه! ليه مش حاسة بحبه! العيلة كلها حاسة بعشقه ليكِ وأنتِ لا، أنتِ بترفصي النعمة من ايدك يابنت بطني ولو فضلتي كده مش هتلاقي اللي يبصلك تاني
=ماما اسمعي مني
_بلا ماما بلا بتاع طول م أنتِ ماشية وراء كلامك ده مش هتلاقي حد يبص لخلقتك جننتيني معاكي
-أنا دلوقتي عايز رد مقتنع عن رفضك لابن خالك واعملي حسابك لو مقتنعتش هجوزك ليه
=نعم تجوزني ليه بالغصب هو ده كلامك لينا يابابا إنك عمرك ماهتغصب حد مننا على الجواز؟
-اخواتك عاقلين انما أنتِ مش عارف طالع مجنونة لمين؟
=بابا أنت بتتكلم بجد هتغصبني على جوازي من ابن خالي حتى لو رافضة!
-عارفة لو رافضة محمود بس كنت قولت عادي بس أنتِ رافضة أي حد في العموم ولو فضلت ماشي وراء قرارك هخليكي قاعدة جمبي
=يعني أي؟
_يعني قدامك يومين لو مردتيش بالموافقة على محمود هتشوفي رد تاني خالص
=ولو رفضت
-يبقى هتتجوزيه ياجهاد واخر كلام عندي اعملي حتى خطوبة حاولي فيها تدي قلبك فرصة للحب يمكن محمود يغير مفهومك عن الحب صدقيني بابنتي مفيش واحد يبقى باقي على حبه ويتقدم 20 مرة ويلاقي الرفض ويفضل متبت ولسة عايزك واحد غيره كان شاف نصيبه بعيد عنك
"بصيت بحزن قدامي بحاول ارفض كلام بابا اللي قلبي بيحاول يصدقه وكأنه هيحاول يدي فرصة لدخول محمود حياته وليه لا؟ ليه ميدخلش حياتي ونجرب معاه الحب! يمكن القلب يدوب في الحب وفي القرب، ويمكن يبعد ويتوجع، بصيت لبابا وقولت بصوت مكتوم ومبحوح رافض القرار"
=أنا موافقة ادي فرصة لمحمود يدخل حياتي يمكن يغير تفكيري عن الحياة
"لاقيت فرحة كبيرة من اهلي بعد ماقولت قراري لاقيت فرحة مكنتش متصوراها ولا قادرة افسرها معقول فرحانين إني هبعد عنهم في يوم؟ يعني وجودي كان ازمة ليهم؟ طردت كل الأفكار الشيطانية من دماغي وركزت في فرحتهم بيا أكيد أي حد مكانهم كان فرح بالخبر ده أول بنت ليهم هتكون عروسة ليه ميفرحوش! ليه يدارو الفرح يعني"
-أنا هكلم محمود افرحه وهخليه يجيب اهله بعد يومين ونتفق كده اقدر اكون متطمن على وجودك مع حد بيحبك بجد
=مش بالسرعة دي يابابا
-وهستنى أي تاني يابنتي عايزين نفرح الراجل اللي متشحطت وراكي
"قاعدة بليل في اوضتي بفكر في قراري وهل صح ولا غلط لاقيت رسالة مضمونها هز كياني وهي «أخيرا وافقتي تكوني ليا عارف انه مش برضاكي بس اوعدك هخلي قلبك يحب قربي ويعشق تفاصيلي بحبكك ياجوجتي» لاقيت ضحكة مرسومة على وشي وحاضنة الفون ومش في بالي غير كلامه اللي دوبني ولاقيتني بكلم نفسي وبقول
♡معقول هحن؟
<لا اكيد ده شعور بسيط وهينتهي قلبي مش في باله الحب
♡ وليه قلبك مش في باله الحب! ليه مش قادرة تقتنعي بالحب!
<خايفة خايفة من الوجع خايفة من الألم والعذاب قلبي مش هيستحمل ده
_جهاد ابن خالك برة هو وخالك ومرات خالك
=نعم ياماما ليه! مش قولتوا يومين
_مش قادر يستنى يابنتي من فرحته اول ماصحي من النوم خد اهله وجيه هنا صدقيني يابنت بطني مش هتلاقي حد يحبك قده
" مر وقت بسيط على وجودهم وخرجت ليهم بعد ماجهزت نفسي لاقيته فرحان نفس فرحته بنتيجة الثانوي لما كان بيجبها وأنا معاه قعدت شوية وبعدها اهلي واهله سابونا لوحدنا نتكلم وفجأة خرجت من شرودي وأنا بقوله"
=مش عايزاك تفكر إني مش حباك أنا عايزة اعرفك بس إني خايفة
_مِني؟
=لا مِن الحُب، قلبي خايف من الحُب، خايف يحب ويتوجع، خايف يقرب أنت تبعد، قلبي خايف من عذاب الحُب عارف!
_محتاجك تعرفيني
=عمرك ماهتفهمني
_جربي وأنا سامعك ولو مفهمتش كلامك متكمليش
=ماشي ساعات كتير بحب اجرب الحُب زي كُل اللي حواليا بس مجرد الشعور بالتجربة بيخوفني أخاف مشاعري تنجرح تحت شعار الحُب، أخاف اجرح مشاعر أهلي واسبب ليهم الأذى تحت شعار الحُب، كُل مخاوف العالم بتبقى قدامي لمجرد إني فكرت اجرب الحُب، الحُب يامحمود عامل زي المغناطيس أول ماتجربه يفضل يشدك يشدك لحد ماتكون خلاص عشقت قربه من قلبك بس أنت وحظك بعد مايوقعك لإما تقع صح وتفضل عاشق للحُب، لاما تقع غلط وتنجرح في قلبك ومشاعرك، عارف لو ده حصل أي هيجرى للشخص ده!
_أي؟
=هيكره الحُب وهيكره حاجة اسمها مشاعر هيخاف من قُرب أي شخص ليه عشان ميتخدعش زي اللي قبله، وده اللي دايما بخاف منه وبدعي مشوفش حد في اللحظة دي، كتير بشوف اتنين قاعدين سوى والحُب باين على ملامحهم بدعي واقول يارب متوجعهاش ولا توجع قلب حد فيهم، الوجع صعب ودايما لما الاقي شاب ارتبط ببنت بيبقى نفسي اقوله رفقاً بقلبها نفسي ياحودة امشي في كُل حتة واشوف كُل اتنين سوى اقف واقوله بتحبها! أدخل بيتها وراعي ربك فيها وفي قلبها لو ناوي تجرحها وتمشي في نص الطريق سبها قبل ماتغرق في بحر الحُب وتدوق الوجع والعذاب أكيد مفهمتنيش وصدعتك على الفاضي!
_ياريت الصداع يبقى كده دايما، عارفة ياجهاد!
=عرفني
_رغم إنك بنت عمتي ودايما بقول البت دي منعزلة ليه دايما أو ليه مش عايشة حياتها بس دلوقتي عرفت ممكن تدي قلبك فرصة يحب
=ويحب مين بقى!
_أنا
=نعم!
_ادي قلبك فرصة يحبني واوعدك عمر ماهخلي قلبك يندم على تجربته أنا بحبكك من طفولتنا ياجهاد اتقدمتلك فوق ال20 مرة وأنتِ رافضة ولما قبلتي قبلتي تحت ضغط من اهلك تسمحي بقى تدي قلبك فرصة يدخل عشيقه جواه!
=هتخليني أندم؟
_عمري ماهوصلك لكده
=هتوجعني؟
_اقتل نفسي قبل ماعملها
=بعد الشر عليك
_طب أي؟
=هسمع لقلبي المرة دي وقلبي إداني الإذن إني أحبك وادخلك جواه بس لو ندمتني على كده عقابي وعقاب قلبي هيكون قوي
_وأنا عمري ماهندمك على كده ياحب حياتي
=على فكرة مش قد كلامك ده
_ولا أنا قد عيونك اللي بلون السما اللي مدوبة قلبي
=يعني حبتني عشان لون عيوني؟
_هنكدب على بعض بقى أنا بحبكك من وأنتِ لسة طفلة
=حودة
_قلب حودة من جوه ياناس ولا خد يلا
=ابنك طالع شقي زي أبوه يااستاذ
_قلب الأستاذ
=ماتبطل كلامك ده بقى بتكسف
_متجوزين بقالنا سنتين ولسة خدودك بتقلب بلون الفراولة لما اتغزل فيكي ياجميل
=قلبي مش حمل كلامك القمر ده بالمناسبة النهاردة أي ياروحي؟
_ده فخ معمولي وأنا عارف النهاردة اليوم اللي اتقدمتلك فيه ياحياتي وكان أجمل يوم في التاريخ واتكتب يوم ميلادي
=حيث كده بقى منكدش عليك النهاردة
هييح وعدتني ووفيت بوعدك ليا سمعت لقلبي ودخلك جواه بعشقكك اووي
_مش اكتر مني ياحلم العمر ليا
=بمناسبة اليوم القمر ده أحب اقولك فيه نونو صغنون جاي في السكة وهيقرف ميدو حبيب بابي ومامي
_بتهزري يعني؟
=أنا حامل وهتبقى اجمل بابي للمرة التانية
_دوبتي قلبي تلات مرات مرة لما شوفت عيونك ومرة لما خلتيني بابي لأول مرة ومرة لما هتخليني بابي لتاني مرة يااجمل مامي وزوجة في العالم
=بحبكك وبعشق عيونك وكلامك اللي مدوب كياني
_بعشقكك وبعشق عيونك السماوي اللي بتهد كيان قلبي
"جئت لقلبي فجعلته خاضع لحبكك وعاشق لعيونك وتفاصيلك البسيطة ، فاطمئن لكَ حتى قرر البوح لكَ بما داخله وهو أنه يعشقك ويعشق سحرك الجذاب له"
#اطمئن قلبي بوجودك معه🌻♥
#أميرة_الكتابة🔥♥
الكاتبة: جهاد صبّاح♥
#Gehad_Sabba7♥🍓
تعليقات
إرسال تعليق